Skip to main content

Миний хэрэглэдэг програм/багажууд

(Note: I apologize from my foreign friends I wrote this note on my own language and its all about the applications I use daily basis :D )

Хэрэглэдэг програм/багажуудийнхаа талаар бичье гэж бодлоо.

Би үйлдлийн системээ шинээр суулгалаа гэж бодоход дараах програмуудыг суулгаж орчноо бэлддэг болой.
Олныг эс нуршин жагсаасуу.

Гарын Монгол хэлний крилл үсгийн байршил (keyboard layout for Mongolian standart)
АМАРХАН driver
Тогтсон US латин үсгийн байрлалийг крилл-рүү шууд орчуулсан байрлалтай. Зарим орчуулга зөрдөг үзэгнүүд өөр байрлалтай, жишээ нь: q - ч, w - ө, [ - ю, ] - я, ; - й, ' - ь, x - ш, / - ы гэх мэт. Монгол хэлний тогтсон байрлалаар АМАРХАН-р бичсэнээс удаан байдаг болохоор АМАРХАН-г ашиглахийг илүүд үздэг.

2005-2006 онд Newcom Systems хөгжүүлсэн,
Windows болон Linux-д зориулсан суулгацтай байсан. 2007 оны намараас NewCom Systems компанид (сүүлд Монгол Системс, Нимон Систэмс болж салсан. Нимон Системс одоо үйл ажиллагаа явуулдаг) хагас цагаар ажиллдаг болох үед энэ driver-г анх ашигласан.
Windows-д зориулсан суулгацаар татах Төстэй гарын драйвэр:
Buuz driver Hanper лав үүнийг ашигладаг :)

Ямар ҮС(үйлдлийн систем)-д ашигладаг: Windows

Бичвэр засварлагч (Text editor)
Notepad++
Зөвхөн windows-д зориулсан суулгацтай. Linux тархац дээр Wine дээр ажилланa. Linux-ийн өөрийнх нь бичвэр засварлагч дажгүй болохоор би лав Linux дээр суулгадаггүй.
Холбоос: http://notepad-plus-plus.org/
Энгийн харагдацтай шаардлагатай бичвэр боловсруулах үйлдлүүдийг бүгдийг нь хийж болдог. Ашиглахад амар мөн системд бага ачаалал өгдөг шиг санагддаг.

Голдуу код засч янзлах, түүхий (raw) бичвэр боловсруулахад голдуу ашигладаг.
Ямар ҮС(үйлдлийн систем)-д ашигладаг: Windows

Код харьцуулах
WinMerge
git, SVN, CVS зэрэгт ийм боломж бий л дээ. Энэ програм бичвэрээр нь тулгачихдаг болохоор бас амар байдаг.
Холбоос: WinMerge
Ямар ҮС(үйлдлийн систем)-д ашигладаг: Windows

Програм дуудагч
Launchy
Байнга ашигладаг програм. Хулгана-тай зууралдаад байх шаардлагагүй Alt + Space дараад "fi" гээд бичингүүт FireFox гэж гүйцээгээд "Enter" дарахад Firefox-г дуудаж ачааллана. "Wo" -> "MS Word" -г ачааллана гэх мэт. Мөн шинээр суулгасан болон задалсан (extract) хийсэн програмуудаас, ямар өргөтгөлтэйгөөр алийг дуудах вэ гэдгийг зааж тохируулах боломжтой.
Хамгийн дуртай, хэрэгтэй нээлтэй эхийн програмуудын нэг (хэрэглүүр гэх орчуулж болох юм болов уу - application program-г?)
Холбоос: Launchy
Ямар ҮС(үйлдлийн систем)-д ашигладаг: Windows, Ubuntu

Brain storming
X-Mind
Төлөвлөлт гаргах, бүдүүвч зурах зэрэгт тохиромжтой. Миний хувьд хийх ажлуудаа, багцлаад тэмдэглэл/ноорог байдлаар ашигладаг. Олон загварын цуглуулгатай тул янз бүрээр тэмдэглэл хийх боломжтой.
- Хийхээр төлөвлөсөн ажлууд, тэдгээрийг дэд ажлуудад хуваасан байдал гэх мэт,
- Аялалын төлөвлөгөө,
- Системийн тайлбар
Байнга төлөвлөсөн, бодсоноо тэмдэглээд бичээд байдаггүй ч гэсэн төлөвлөлт гаргаж сурахад дөхөм болдог. Мод бүтэцтэйгээр дүсэлдэг нь ойлгоход хялбар.
Холбоос: X-Mind
Ямар ҮС(үйлдлийн систем)-д ашигладаг: Windows, Ubuntu

Вирусын эсрэг
Avast
Home edition нь үнэгүй байдаг. Ер нь дажгүй санагдаад байдышдээ, надад лав хамгийн чанартай үнэгүй вирусийн програм. Мөнгө төлөхгүйгээр гэж бодвол хувийн хэрэгцээнд энэ зүгээр. Үнэтэй сайн програмууд бий л дээ. Байгууллагын хэмжээнд бол үнэтэй чанартай нь дээр байх, Symantec, Kaspersky Гэх мэт.

Сүлжээний хуудас нь энд байна.
Ямар ҮС(үйлдлийн систем)-д ашигладаг: Windows

Интернетийн хөтөч (Олон улсын компьютерийн сүлжээний хөтөч :p )
Firefox
Нээлттэй эхийн гэдэг утгаараа найдвартай санагдаад байдаг юм. Chrome гоё ч гэсэн хөтөчөөсөө google-рүү нэвтрэхийг санал болгодгыг нь харахаар data collect хийж магадгүйм шиг хар төрөөд байдаг юм.
Вэб хөгжүүлэгчийн талаасаа Firefox-д олон хэрэгтэй plug-in (залгац гэхиймуу юу гэмээр юм хэхэ)-ууд байна аа. Firebug, ЖаваСкрипт debugger, HttpFox гэх мэт багажууд. Видео download залгац ч байна.
Холбоос: энд байна.
Ямар ҮС(үйлдлийн систем)-д ашигладаг: Windows, Ubuntu

Видео тоглуулагч
VideoLAN Нээлттэй эхийн төсөл. Бүх төрлийн форматтай видео үзэж болдог нь хангалттай шалтаг болно байх.
Сүлжээн дэх холбоос энд.
Ямар ҮС(үйлдлийн систем)-д ашигладаг: Windows, Ubuntu

Баримт шахагч/задлагч
7-zip
Бас л нээлттэй эхийн програм. Кодлогчууд нь GNU лицэнзийн дагуу учир хуулбарлан тараах боломжтой. Ихэнх төрлийн шахсан баримтуудийг задлах, шахах боломжтой.
Холбоос: 7-zip
Ямар ҮС(үйлдлийн систем)-д ашигладаг: Windows, Ubuntu

PDF уншигч
Foxit Reader
Adobe-г бодвол арай хөнгөн жингийн буюу систэмд бага ачаалал өгдөг. Бас үнэгүй ашиглах боломжтой.
Холбоос: Foxit Reader
Ямар ҮС(үйлдлийн систем)-д ашигладаг: Windows

E-ном унших/хөрвүүлэх
Calibre
Өөр формат хооронд хөрвүүлэх заримыг нь унших зэрэгт ашигладаг. Холбоос: Calibre
Ямар ҮС(үйлдлийн систем)-д ашигладаг: Windows, Ubuntu

Зураг янзлах (дунд түвшинд)
Gimp
Заавал photoshop гэлтгүйгээр gimp-ээр үндсэн үйлдлүүийг хийх боломжтой. Би designer биш болохоор надад таарсан анхан шатны өөрчлөлтүүдэд бол шаардлага хангадаг. Бас нээлттэй эхийн програм.

Холбоос: Gimp
Ямар ҮС(үйлдлийн систем)-д ашигладаг: Windows, Ubuntu

Өөр санал болгох багаж/програм байвал хуваалцахыг хүсье.

Хүндэтгэсэн,
Гантулга Надмидын

Comments